ياصعب ماتلقـى بهالدنيـا رفيـق
لاشـاف زلاّتـك يـدوّر عذرهـا
بعض الوجيه بشوفها همٍ وضيـق
الله يقطعهـا ويقـطـع بـذرهـا
تاطى على قلبك وتشعل به حريـق
وتنوي لك السيه وتاخـذ حذرهـا
ماتنتخي لو كنت تنخاهـا غريـق
وان مدّت السنها يغيضـك هذرهـا
عينٍ بكت ولنومهـا عيّـت تطيـق
من شوف هالاجناس قلت : ابعذرها
الشجره اللي ماتحلّي طعـم ريـق
ودّك تجي وتقصّهـا مـن جذرهـا
تظهر لك المكنون في نصف الطريق
مادامـت الازوال تجحـد نـذرهـا
وماعاد في دنياك تلقى لـك رفيـق
لاشـاف زلاّتـك يـدوّر عذرهـا
::
ملطوش لعيونــكم وسلامتــــكمـ
::
الجــــوري
موضوع: ياصعب ماتلقـى بالهدنيـا (رفيـق) 
الأحد سبتمبر 14, 2008 5:14 pm
